影片
更多
2024-12-16
62 浏览
今晚同D朋友去旺角玩下夹公仔, 最后洗左几百蚊, 公仔又夹唔到, 又饿…..一出门口见到对面就系餐厅, 就试下啰！门面几得意。 有D卡位好似茶餐厅， 系入少少又有几张大圆台，茶餐厅＋酒店混合体。睇餐牌仲得意， 有饺， 有寿司， 有小炒， 有糖水真系想食咩都有。见到人地叫左个古法羊腩煲， 好香好丰富， 同埋个川芎白芷天麻炖鱼头， 好似好正。可惜，几个朋友一个唔食羊， 一个唔食鱼， 无缘了。云吞鸡呢味𩠌系老板娘极力推介, 就信佢试下,而且有菜有蛋白质 又有啖汤饮，转凉天气岩哂。一上台, 好香鸡味, 上台果下煲边仲滚紧, 有轻轻一层鸡油系面, 饮入口好香浓鸡味, 似无味精, 好好饮, 煲过汤既鸡肉, 轻轻一夹就松开哂, 好林, 云吞都唔错。招牌咕噜肉咕噜肉大人小朋友都岩食既一味菜，屋企少整, 出街食必叫。大大旧, 啖啖肉, 猪肉弹牙带少少肥肉，我估系梅头肉，咕噜肉皮炸到酥脆唔干身，而汁酱甜酸度刚刚好。啫啫芥兰煲啫啫煲系一道有声有色的「响菜」。啫啫系指个茶”时li沙拿”果个热辣辣既声音。GOGO为食坊呢个啫啫芥兰煲完全做到啫啫个效果，而家个芥兰无OVER COOK, 仲好脆口,正。生炒腊味糯米
一出门口见到对面就系餐厅, 就试下啰！
门面几得意。 有D卡位好似茶餐厅， 系入少少又有几张大圆台，茶餐厅＋酒店混合体。
睇餐牌仲得意， 有饺， 有寿司， 有小炒， 有糖水真系想食咩都有。
见到人地叫左个古法羊腩煲， 好香好丰富， 同埋个川芎白芷天麻炖鱼头， 好似好正。
可惜，几个朋友一个唔食羊， 一个唔食鱼， 无缘了。
云吞鸡
呢味𩠌系老板娘极力推介, 就信佢试下,而且有菜有蛋白质 又有啖汤饮，转凉天气岩哂。
一上台, 好香鸡味, 上台果下煲边仲滚紧, 有轻轻一层鸡油系面, 饮入口好香浓鸡味, 似无味精, 好好饮, 煲过汤既鸡肉, 轻轻一夹就松开哂, 好林, 云吞都唔错。
招牌咕噜肉
咕噜肉大人小朋友都岩食既一味菜，屋企少整, 出街食必叫。大大旧, 啖啖肉, 猪肉弹牙带少少肥肉，我估系梅头肉，咕噜肉皮炸到酥脆唔干身，而汁酱甜酸度刚刚好。
啫啫芥兰煲
啫啫煲系一道有声有色的「响菜」。啫啫系指个茶”时li沙拿”果个热辣辣既声音。GOGO为食坊呢个啫啫芥兰煲完全做到啫啫个效果，而家个芥兰无OVER COOK, 仲好脆口,正。
生炒腊味糯米饭
唔太油, 饭既软硬度适中, 色水靓而且唔会过咸, 有原粒花生增加咬口, 初初大家怕滞只食少少, 但系, 食下食下, 成碟清哂, 咀巴系最诚实。
杞子红枣桂元茶, 养颜蛋白杏仁茶,莲子百合炖海底椰
食饱坐系度倾倾倾, 倾左好耐, 真系好而家好少餐厅唔限时之余仲唔赶人走。我地就叫左D糖水试下。
呢几款都好好食, 唔会过甜, 最出色系个养颜蛋白杏仁茶, 个蛋白系即时加生蛋白落去靠热力将佢整谅, 半熟, 好滑, 杏仁味好香。
好满意既一餐饭, 虽然唔系咩大酒楼名贵茶, 但地点方便坐位阔落, 最重要系唔限时又唔赶人走, D待应仲好好倾添。一定要揾日黎试下佢个古法羊腩煲， 同埋个川芎白芷天麻炖鱼头汤。
张贴
