影片
更多
2023-12-17
1792 浏览
原本想去沙田万怡酒店嘅茶楼饮茶，但佢今日有婚宴要提早清场，想坐耐啲唯有去过第二间餐厅。而成个酒店除咗茶楼就得呢间餐厅，原本冇打算食自助餐，但一场嚟到又好肚饿，就即兴嚟餐。宜家应该系做紧圣诞自助午餐🍽️全场最吸引嘅莫过于任食嘅生蚝🦪系现场即开嘅，味道鲜甜，正👍🏻旁边日式刺身🐟有六款选择—鲷鱼、希灵鱼、八爪鱼、带子、吞拿鱼、三文鱼全部味道都好鲜甜，特别系带子，一试难忘熟食有好多唔同选择，但大部分味道都麻麻哋唯一我食完觉得好好味嘅系呢个车轮芝士意大利饭🧀芝士🧀️味道浓，好正😊旁边嘅芝士火锅已唔太掂，基本上系冇味嘅西班牙海鲜饭卖相好靓，但食落麻麻。啲饭过软又贴住一旧旧。片皮鸭卖相都系唔错，但味道仲差。啲肉又韧又冇味，啲包片皮鸭嘅皮虽然有个炉保温，但唔知点解我即攞即食都系冻嘅。其他熟食都系麻麻。大部分都有个炉保温，但可能就系因为咁所以大部分都好似煮过头咁。肉太韧🍖菜太黄🥬失望😟甜品方面，蛋糕🍰、饼仔都系喺柜入面，有职员帮手攞。呢点对于衞生嚟讲唔错，亦可保持甜品嘅卖相。至于味道，真系超失望😮💨除咗豆腐芝麻芝士蛋糕，其他都唔好食最恐怖系个芒果慕丝🥭，系酸到完全食唔到。我都唔知西饼师傅推出呢款蛋糕前，有
宜家应该系做紧圣诞自助午餐🍽️
全场最吸引嘅莫过于任食嘅生蚝🦪系现场即开嘅，味道鲜甜，正👍🏻
即开生蚝🦪
106 浏览
0 赞好
0 留言
全部味道都好鲜甜，特别系带子，一试难忘
日式刺身（鲷鱼、希灵鱼、八爪鱼、带子、吞拿鱼、三文鱼）
197 浏览
0 赞好
0 留言
唯一我食完觉得好好味嘅系呢个车轮芝士意大利饭🧀
芝士🧀️味道浓，好正😊
车轮芝士意大利饭
94 浏览
1 赞好
0 留言
旁边嘅芝士火锅已唔太掂，基本上系冇味嘅
芝士火锅
90 浏览
1 赞好
0 留言
西班牙海鲜饭卖相好靓，但食落麻麻。啲饭过软又贴住一旧旧。
西班牙海鲜饭
88 浏览
1 赞好
0 留言
片皮鸭卖相都系唔错，但味道仲差。啲肉又韧又冇味，啲包片皮鸭嘅皮虽然有个炉保温，但唔知点解我即攞即食都系冻嘅。
片皮鸭
63 浏览
0 赞好
0 留言
其他熟食都系麻麻。大部分都有个炉保温，但可能就系因为咁所以大部分都好似煮过头咁。肉太韧🍖菜太黄🥬失望😟
熟食
77 浏览
0 赞好
0 留言
甜品方面，蛋糕🍰、饼仔都系喺柜入面，有职员帮手攞。呢点对于衞生嚟讲唔错，亦可保持甜品嘅卖相。
至于味道，真系超失望😮💨
除咗豆腐芝麻芝士蛋糕，其他都唔好食
最恐怖系个芒果慕丝🥭，系酸到完全食唔到。我都唔知西饼师傅推出呢款蛋糕前，有冇试食过先出。
好彩佢有MOVENPICK雪糕🍦提供，有五款味—士多啤梨🍓、瑞士朱古力🍫、薄荷碎朱古力🍃、咖啡☕️、云尼嗱🍨，食完都冇咁嬲
甜品仲有糖水、豆腐花、葡挞、煎堆。不过我太饱就冇食到。同枱嘅就话豆腐花都几好味。
呢个自助午餐正价系$468，另收加一。但用汇丰、恒生、中银信用卡有85折，加一照正价收费。所以折后一人就$444.6。
抵唔抵食就好睇人啦。如果钟意食生蚝🦪、刺身🐟、雪糕🍦之类生冷嘢嘅话就几抵嘅，佢哋海鲜鲜甜，净系任食即开生𧐢呢点都够抵啦。如果钟意食熟食🍲、蛋糕🍰嘅话，呢度可能唔太啱你，佢哋虽然有好多熟食、蛋糕选择，但大部分都真系唔系几好食，唔值四百几蚊呢个价钱。
环境方面系好唔错嘅，餐厅设计光鲜开扬🔆唯一差啲嘅系地理位置决定嘅景观问题。
餐厅有各种设计嘅大枱细枱，满足到唔同人数嘅聚餐。
员工服务方面，喺餐厅入面员工嘅礼貌系几好嘅。但入去食之前就唔系几好喇
由于今次系即兴，门口又冇写用餐时间同价钱，就临时问餐厅门口𠮶两个职员。当时午餐时段已开始，佢哋倾紧闲计明显系得闲嘅，但态度依然系好唔耐烦。直到决定咗食，佢哋先突然露出友善嘅笑容
我都明白有惠顾嘅先算系顾客，但做得餐厅接待，用啲咁差嘅态度对潜在顾客嘅查询真系好赶客。毕竟有几多人会时间价钱都唔问就入嚟食呢？今次如果唔系好肚饿，查询𠮶阵佢哋咁嘅态度，我自己就真系会走人🤨
张贴
