萬麗咖啡室

营业中

休息中

某日喺fb见到呢间buffet嘅感觉，完全俾佢嘅主打嘅蒸龙虾征服咗，于是嗱嗱临book左枱试下。一嚟即刻去左龙虾个counter，阿姐话每人每次只可以攞半只，不过可以再排队攞过。虽然系即蒸，但系目测每次都蒸10-15只（即系20-30边），每次蒸10分钟，所以实际上都唔使等好耐。由于系新鲜即蒸，所以啲龙虾只只都好爽好多汁。餐厅仲有芝士酱，同埋好多款唔同嘅酱汁俾你拣。当然，唔点任何嘢，啲龙虾都已经好鲜味。除左龙虾，其他嘅热盘其实唔算多：周末限定嘅澳洲烧烤，除左有常见嘅猪牛羊鸡，仲有袋鼠同鳄鱼肉，味道都唔错；钟意清清哋，炖汤同中式面都系唔错嘅选择；另外仲有炒饭、牛扒等等正路嘢。冷盘方面比较推介佢哋嘅刺身，款式多之余亦都好新鲜，如果唔系食龙虾食济咗，应该会chur多几转刺身。甜品有H记雪糕作招徕，但系个人比较钟意佢个豆花，配埋姜汁糖浆，正！顺带一提，自助餐除左包一杯咖啡/茶，仲有得无限添饮百事、七喜、橙汁（果汁先生），啱晒我呢啲嘢饮控。环境唔错，地方寛落又好坐，无论一家大细、二人世界、gathering都得注：因为有折，每人都系食左550（连加一），不过可以话有350都系喺龙虾果度，其他嘢食