興中會 (已結業)

想去饮茶但系又唔想去返我哋平时去开𠮶间，咁我就用apps求其查下啦! 咁啱个apps有半价优惠。餐厅的位置只有一条走廊的位置，只有数张枱。侍应态度都几好，餐厅冇点心纸，想食咩就同侍应落单。兴中会虾饺皇， 虾饺大大粒，皮都有烟韧的口感。 黑松露烧卖， 黑松露唔够香，虾大只爽口。 红豆西瓜包， 红豆好香，味道较甜， 个包冇西瓜味，只系个包的外表似西瓜。鲜虾炸春卷， 虾比较咸，春卷皮炸得好脆口。鲜竹腐皮卷， 卖相比较多油，不过几大条，好足料。xo酱煎肠粉， 肠粉好滑，有xo酱，有蛋一齐煎，只系加甜豉油食已经觉得够味。荷叶蒜蓉海虾饭虾新鲜弹牙，蒜蓉味好香，不过个饭冇味， 要加甜豉油先至有少少甜味。