天龍海鮮火鍋 (已結業)

放工约咗朋友去旺角食饭，突然心血来潮想打边炉，于是拣咗间好近地铁站嘅天龙海鲜火锅。其实呢间餐厅都真系几方便，因为其实朋友都系喺唔同嘅地方返工，旺角又处于市中心，所以拣一间近地铁站嘅餐厅系最适合不过嘅。餐厅嘅环境其实都几舒适，灯光够猛，位置都够阔，最重要嘅系佢唔限时，可以同朋友边食边倾好耐都得。食物方面，我哋叫咗个椰子鸡锅，一上枱就见到乳白色汤底，心谂都唔差得去边，果然，汤底都几清甜，而且好足料好多椰子。我哋其实都叫咗10几种配料，其中，我认为最特别嘅系芝士流心牛丸。芝士同牛丸好似大缆都扯唔埋咁，但原来都OK㖞，好特别，有创意。