Sense Cafe (已結業)

同朋友即兴约食晚饭，谂住油尖旺大家都就脚，于是揾到呢间位于白加士街嘅餐厅。虽然唔系地舖，但系喺条街度望上去，都会见到大大间餐厅，位置当眼唔难揾。可能约得比较早，我哋6点半已经到达餐厅，当时得两三枱客，唔算多人。可能因为上楼，而且餐厅灯光柔和，感觉几宁静，私隐度几高，啱晒人少少嘅饭局，方便倾计。今次嗌咗个二人餐，包两份沙律+汤、一份前菜、一份饭/意粉/pizza、一份主菜、两杯嘢饮。我哋3个都唔算好肚饿，加上食物份量比想像中多，所以一个二人餐都好够饱。😋前菜：蒜香清酒煮蚬蚬肉好鲜甜，只只都有蚬肉唔会话得个壳，而且都几大只！清酒味好香，食落好开胃，推介⭐️😋饭/意粉：龙虾汁海鲜意大利饭海鲜足料，有青口有墨鱼有带子，唔系求其俾条蟹柳就算😂意大利饭不错不失，正常发挥😋主菜：香煎美国安格斯肉眼扒（加$38）我同朋友都唔系好食生肉，所以肉眼叫咗七成熟，本身都担心会唔会overcooked（因为试过其他餐厅，叫七成熟整到好似well done咁），不过佢又冇，肉眼油脂分布好平均，食落油脂味好香，肉质都啱啱好，唔会话好韧好难咬除返开连埋加一，每人都系$200左右，物超所值！当然因为我哋本身唔系好肚饿，可