方太糕品舖 (已搬遷) 新店位置

帮衬咗方太糕品舖咁多年，一直佩服佢坚持食材落足靓料，有时都几担心佢成本挨唔住。依家见佢重开番，好开心，希望佢继续经营到喇，我哋出面好难揾到咁样即蒸即卖、新鲜出炉的糕点。方太的糕点都香口弹牙，唔甜，比酒楼好食好多，仲要平到15蚊3件任拣，我通常都每款买D来食，过下口瘾。不过放工过去好难一次过买齐十几款，佢通常放工时段已经被围到水泄不通，有些糕点已经被卖清了。作为糕迷，最钟意食嘅系红豆糕和芝麻卷。红豆糕超多红豆，满满大红豆粒粒分明起沙，豆香四溢。芝麻卷俗称「菲林」，爽口香浓，芝麻味爆灯，这口感系其他糕点不能比拟的。这里的马豆糕好独特，我哋平日食到嘅系果种软冧冧雪冻咗的马豆糕，好快会融。但方太马豆糕唔洗雪藏，有更好的口感和椰香味。千层糕则卖相最为吸引，每层的厚度相同，仲有好香椰汁味。砵仔糕和白糖糕都好好食。新年前仲见到方太卖好多一盘盘的年糕、红豆糕、马蹄糕，方太话好多盘都已经畀人订左，要提早落订先有㖞。