譽小館 (已易手) 新餐厅

挚友今日过嚟接我放工，沿路行过商埸睇吓入面有咩食，见呢间有粥、面、点心、盅饭，咁就呢度啦。2个人唔太饿,叫住少少野食～誉小馆虾蛟皇：大大粒皮薄馅多，系好实在嘅虾蛟。黑松露带子蛟：皮薄馅多，松露仲落得几重手，香气涌晒出嚟啦。沙律虾春卷：脆卜卜，每啖有虾肉，我觉得食紧炸过嘅沙律咁呀！顺德爆鱼骨腩：呢个鱼皮好酥香，鱼肉鲜滑，食完即刻觉得吸收咗Omega-3同埋铁质咁嘅～椰汁马豆糕：面层放咗块啫喱，黄色衬白色系几靓，唔算太甜，若椰汁加多D会更受落。总括吓呢度唔错㗎，空间感足够，职员慇懃快手，食物即制又唔驶等好耐，下次经过可以再嚟。