綠摩 (已結業)

谂住去睇下模型点知搬咗，宜家变咗间外卖薄饼店。入面又真系有个石炉即叫即做pizza，好似几好就叫个人一人份量试吓。Pizza 除咗一般款色之外，仲有一款同餐厅一样名嘅「绿摩」。有辣肉肠、西班牙黑毛猪肠、蕃茄酱、双色车打芝士之外，仲有墨西哥脆片、酸忌廉、牛油果酱。系一款墨西哥风味嘅Pizza几特别。牛油果酱同埋酸忌廉都好重手，所以食落好Creamy，饼底偏向脆身，有少少饼干feel。 9寸其实一个人都够晒饱。另外叫咗个烟三文鱼芝士春卷，呢个真心好食。打丝芝士加埋咸咸香香嘅烟三文鱼，春卷又炸得脆，仲有wasabi沙律酱点，一定要试吓。不过呢度主打外卖，得一张枱喺舖头。拎走食就最方便啦。