Bold Italic (已結業)

Bold意思系粗体，Italic就解斜体，当呢两样野结合，可能就好似观塘骆驼漆大厦嘅Bold Italic咁，带比你别具一格嘅创新感觉。有别于其他餐厅以统一风格视人，佢地以热带丛林配城市霓虹灯，舒适又带点狂野嘅风格带你出走庸庸碌碌、日日如是嘅平凡人世界，去一趟不可思议嘅奇幻旅程。呢度嘅套餐有餐汤、多士同饮品，主菜仲有好多选择。其中仲有，鸵鸟肉相信都比较少见。其实鸵鸟肉好有营养㗎！佢除咗低脂肪、低热量、低胆固醇之外，仲高蛋白、高铁质、高锌，号称「最健康红肉」。食落甘香弥漫喺口腔，配上特制烧汁，带少少孜然嘅味道，肉香更加浓郁！另一个套餐主菜就啱晒钟意食鱼嘅朋友仔啦！比目鱼肉实得嚟带香浓鲜味同胡椒香气，细意品尝仲有少少甜味。加埋有煎过嘅意粉做底，够晒特别，惊喜得嚟唔怕食唔饱啦。大大旧棉花糖出动，就知道又系会令少女心爆发嘅甜品时间啦！，将热咖啡倒入棉花糖入面，即刻穿咗个大咕窿。小编钟意整到佢融化之后捞埋棉花糖同雪糕一齐食，口感柔滑又够甜丝丝。