蘭特餅店

营业中

休息中

成日去买𩠌都经过呢间舖头，开头以为面包舖，原来食甜品蛋糕，小朋友见到舖头有跳飞机，跳下跳下入咗去，见到佢有好多曲奇，原来全部都系手做曲奇，买咗两罐试下，曲奇真系几好食，小朋友钟意食绿茶味，食入口好松脆，而我就钟意食咖啡杏仁脆片，比较硬身，我钟意佢嘅口感，脆卜卜好好味。另外我仲买咗几款蛋糕，第一次食烧蛋糕，感觉都几特别，不过我最钟意都系芝士蛋糕，入口好软滑，而且好香浓嘅芝士味。见到门口推介有花胶甜品，见佢都唔算太贵，杨枝甘露唔会太甜，打开闻到好香，最精彩系真系见到大大嚿花胶，成个感觉好滋润，今次买咗小朋友钟意食嘅口味，我见到佢另外有人参同埋桂花味道，下次要买来试埋佢。