頹飯 (已結業)

喺中环午饭时间揾嘢食，揾个位都非常之难，所以耐唔耐都可以叫外卖返公司食，贪方便。经过见到利源东街呢间颓饭，个名几特别，所以试下。有人排队，应该都系唔错嘅选择。见到个餐牌有全日套餐，一共有六款，例如有猪鸡牛等等。我今次拣咗招牌薄牛肉饭，配烧肉汁嘅，都系60蚊左右姐，非常抵食。饭可以转意粉，不过我都系钟意饭多啲。见到餐厅嘅卖点系即叫即煎，所以等嘅时间有少少耐，不过为咗食好嘢都唔系咁介意。个招牌薄牛肉饭都真系几正，牛肉份量超多。烧汁食落非常有牛肉味，完全系好过传统快餐店。随餐附送饮品，拣咗个特色饮品红豆冰，都系加六蚊，觉得红豆冰唔算太甜。最后外卖埋单都系66蚊，以中环食饭嘅价钱嚟讲都几抵食。