古今

营业中

休息中

古今嘅创意寿司/卷物一向好出名同好特别，今晚特登去咗试，选择好多，最后拣咗青龙卷同埋东京爆脆。东京爆脆馅料用左熟既吞拿鱼同埋蟹柳，用紫菜围住，最特别系卷物入面有脆脆，口感丰富，酱汁用左微辣沙律酱，配搭特别。青龙卷用左牛油果系外层包住，望落去系青色，卖相配合埋个名，入面有鳗鱼同埋蟹柳做馅料，清新之选。另外叫左健康之选蟹柳沙律，超级大盘，新鲜生菜上面布满左蟹柳丝同埋三文鱼籽，三文鱼籽好有口感，想食得健康啲一定要点呢个。串烧试左豚肉荔枝卷串同埋豚肉芦笋卷串，同样出色，豚肉荔枝卷串入面荔枝好甜，中和豚肉油腻感，豚肉芦笋卷串入面芦笋切成一条条，同豚肉味道好夹。