古今

营业中

休息中

每次谂起想食卷物，古今二都系我选择名单，胜在选择种类同配搭够多且新颖，观塘果间就经常光顾，今晚行经铜锣湾，就带埋一个平日唔喜欢食饭嘅朋友去试下，等佢对食饭有另一种感觉😆。店铺有日本居酒屋🏮风味，餐桌摆枱整整齐齐，店员都亲切有礼貌，值得一赞👍🏻。睇睇餐牌，卷物配搭非常多。首先order份餐前小食，芝士鱼饼，一碟有4件，以餐前小食黎讲，份量都ok，底面煎得金黄香口，爱芝士嘅朋友一定会好钟意，因为芝士味道好浓郁，入口软淑。朋友钟食食炸虾🍤，所以特意order有虾嘅卷物比佢叹下😆。辣妹 / 火焰金龙卷，两款同样有炸虾，辣妹面头铺上吞拿鱼蓉同gi 左酱汁，火焰金龙卷上面铺上厚厚三文鱼，炸虾香香脆脆，两款同样有流心芝士系饭中央；炸虾同芝士味道撞埋非常之夹，卷物饭底又软淑，好味👍🏻。豚肉泡菜锅，热辣辣上枱，豚肉份量都唔少，肉质带些小肥，甘香之余，口感一流，泡菜汤酸酸味味，又开胃又消滞，中间仲夹杂豆腐、金菇，娃娃菜同埋我最钟意嘅韩式粉丝😋。