麵屋黑岩

营业中

休息中

一直以为深水埗得黄金果头比较多好野食，今日竟然比我起大街长沙湾道发现咗呢间拉面舖，都几好食。餐牌其实好简单，有7款拉面，都系猪骨汤底，我同友人分别嗌了一个辛辣拉面，一个少啲见到嘅蟹肉拉面。拉面有得拣软硬度，配菜有得拣葱或者椰菜，我朋友因为唔食葱所以可以拣椰菜都几好。最惊喜既系叉烧竟然有得拣火炙或者厚切。我自己就好钟意我个辛辣拉面，汤底好浓猪骨味，配埋辣肉碎食一流。我拣咗厚切叉烧，叉烧非常之好食，虽然系厚切但唔会太肥腻，仲劲大块，抵食。朋友嘅蟹肉拉面汤底原来除咗有猪骨味，仲好重蟹味，配埋啲蟹肉都几好食，咁的配搭其实几特别。朋友叉烧系火炙，因为烧过，口感都唔错，但我就觉得厚切叉烧更好食。另外我哋加咗只溏心蛋，都唔错，酱油味非常之重，配拉面食正！原本见到小食有一个薯片鸡翼好似几吸引，但系我哋因为太夜嚟食，已经卖晒，所以转咗嗌虾饼，又估唔到几好食，仲有三块咁多，同埋因为新鲜炸，好热好脆。临走见到原来平时有午市套餐，会跟小食/饮品，下次经过深水埗会再试下。