豚本家 (已結業)

 黎到豚本家，店家主打各式吉列定食，最招牌既係佢地既吉列豬扒！另外仲有吉列豬柳、吉列三文魚柳、唐揚炸雞、天婦羅等等選擇。定食都幾豐富，有飯、椰菜絲、前菜、麵豉湯同埋茶碗蒸。1⃣️吉列厚切豬扒定食（$115）（轉蕎麥麵+$18） 吉列豬扒每一件都好厚🤩面頭仲帶有啲油脂，炸得好脆！點上酸酸地既豬扒醬食幾唔錯！另外配有漬物醃黃瓜、醃青瓜，幾開胃，仲有海量幾椰菜絲，可以任添。定食仲有跟白飯，加錢轉左凍既蕎麥麵，蕎麥麵係扁身同埋粗身啲既，比較軟身同埋淋，如果食落再爽口啲會更好。不過夏天食個蕎麥麵，點上加左wasabi、薑蓉、紫菜絲既冷面汁，都幾正。另外仲有麵豉湯同埋茶碗蒸。茶碗蒸都幾滑，入面有菇同埋雞肉👍  2⃣️吉列三文魚柳定食（$125）（轉蕎麥麵+$18） 吉列三文魚柳出面比較少見。炸得好脆，而入面魚肉係粉嫩既半生熟狀態，食落口好嫩口而且三文魚既油脂香係口中爆發🤤配上他他醬真係好好食！  3⃣️三點刺身盛（$138） 有三文魚、油甘魚、帶子，帶子整到好似朵花咁好靚😍  4⃣️南蠻炸雞（$55） 南蠻炸雞又係好厚！中間既雞肉係仲係滑既😋本身已經有啲醬汁係面，所以就算唔額外點醬都已經好好食。、