職人食事 (石水渠街)

营业中

休息中

放假同屋企人游车河, 打算系附近买外卖返屋企食。揸车经过比我见到呢间日料小店, 售卖多款刺身、寿司、丼饭等。价钱唔贵, 决定买返去同家人分享。店内有少量堂食位置落order后师傅随即制作, 刚好比我见到新开原条三文鱼。刺身鱼生饭: 最丰富嘅一款鱼生饭, 摆盘吸引, 所有刺身都好新鲜又厚切, 包括有超肥美爽甜赤虾、三文鱼、左口鱼、八爪鱼、帆立贝、立鱼、三文鱼籽、蟹柳、甜蛋。呢个价钱可以食到咁多款刺身, 好抵!!三文鱼油甘鱼饭: 油甘鱼好厚切, 甘香鲜味有鱼香, 配上三文鱼, 美味又饱肚。三文鱼刺身(8片)每片刺身都好厚切, 满足到口感, 其中有两片仲系三文鱼腩, 爽滑又带丰富鱼油, 鱼香味十足, 大爱!!帆立贝寿司帆立贝肥美鲜甜, keep到原汁原味。左口鱼裙边寿司虽然冇拣火灸, 不过左口鱼裙边有少少厚度, 微爽又食到本身鱼油。甜虾寿司甜虾很鲜甜鳗鱼寿司鳗鱼上扫上了鳗鱼酱油, 咸甜美味。