馬六

营业中

休息中

由于自己一直都唔系好喜欢星马越台嘅食物，只会偶然食下，所以一直都无食过马六，直至男友话食过觉得唔错，推介比我🙂。星期五晚上近7点唔驶等位可以直入，埋位途中目测在场唔少人士食海南鸡，所以我地都点左个套餐。🤔无骨海南鸡饭套餐 $92跟餐仲有个紫菜汤，但个汤同个鸡油饭都好咸😥，建议大家如果真系食呢个餐，记得饮番1L水。海南鸡有少许鸡味同啫哩，三个酱汁调得麻麻，点左反而连果少少鸡味都无埋。鸡肉串烧鸡肉好干但唔硬，酱汁好浓香料味但唔咸。厚切猪扒喇沙掺掺 $68呢个面卖相吸引又大碗，猪扒算大块，而且真系够厚，肉质松软，腌得好入味，而且炸出嚟个边位仲有少少脆，全餐最好食就系呢块猪扒😋。喇沙汤底好浓椰味；面底好多，食完都够饱。餐厅无加一，只收现金或八达通。