牛極 (好順利大廈) (已結業)

一行2人去了牛极，因为太耐冇食牛扒，而且通常都系食西式牛扒，未试过石烧牛。拣咗个牛柳同牛肩就坐低。然后自助整咗碗沙律同汤，碗汤系罗宋汤嘅味道，不过日式嘅，清淡啲几好饮。两块牛上到枱面真系吓一跳，呢个价钱咁厚嘅牛，上枱块牛系1成熟，自己想几熟就喺块石上烧几耐，朋友问块石冻咗咪烧唔到啰，但等到块石冻咗，都全熟啦，除非你钟意食全熟啰，而且仲可以叫侍应换块新嘅石㗎。我自己就钟意牛柳多啲，因为又嫩又多肉汁，不过牛肩扒都好嫩，佢本身冇落太多盐黑椒，所以我一路烧一路自己加少少盐、黑椒同香草，想多啲变化仲有几种酱，我就食原汁原味食到够，最后几啖先试下啲酱，不过始终原味最好食。虽然唔系超饱，但感觉超满足，因为真系好厚，下次肯定要试肉眼。