二一八火鍋餐館

营业中

休息中

周一同女友晚上七点walk in去咗呢间火锅店，佢极力推荐话听闻好抵食又好食，佢班朋友咁啱𠮶晚又订咗包房两围。咁去到店员问有冇booking，我话冇，佢问我九点交台可唔可以，我话得，之后安排入一间小厢房 其中一张二人台，里面分别已有两台客人。咁我马上同店员阿姐order 了一个孖宝套餐" 龙趸片加极上超级雪花牛" 半份、胡椒猪肚鸡锅底及杂菇并盘，同一渣竹蔗茅根水，锅底同饮品好快就来了，肥牛同鱼片一直无嚟，等了半小时再催问店员阿姐，回覆放心无走单，师傅做唔切，咁又继续等，直到八点半我再追问阿姐，另外一位男店员话无哂龙趸，叫我转食另一个刺身孖宝套餐，我女友唔食得生冷嘢点转，迫于无奈散叫了一份极上超级雪花牛，极之无奈。其间，女友被友人邀了进包厢作客，女友告之我其友人房内桌上美食齐全、即叫即到。最后埋单五百六十几，咁嘅服务同质素，胡椒猪肚鸡锅底味道平平无奇，心谂再无下次光顾，同等价钱对面大X口任食火锅性价比不知优胜几多，不建议人少去呢间👎