八沢 (已結業)

之前有个鳗鱼控既朋友发现上环有一间餐厅有一桶鳗鱼饭供应，所以今日约左我去一齐试下！我哋入到去见到左面有柴犬既壁画，右边有日本歌姬。因为要等朋友放工，黎到已经3:30，我哋叫左一桶鳗鱼饭同一串厚烧牛舌、一串盐烧白鳝。当鳗鱼饭黎到既时间，我同朋友都两眼发光，完桶上既鳗鱼饭真系第一次见，一打开都不禁「哇」左一声，好多厚厚既鳗鱼舖起，金黄金既滑蛋上面。每一件都好厚好大件，完全满足到鳗鱼控既视觉需要，佢哋唔系用普通既烧汁，而系用手磨姜再加上自家汁，鳗鱼烧到边缘脆脆的，啖啖肉并带有一点姜的味，最后我哋每人食左四碗先消灭得晒一桶饭。如果用埋珍珠米就一流👍🏼而串烧都系起水准，厚厚既牛舌烧得外脆内软，保留到原来既肉汁，一啲雪藏味都无。如果唔系超级饱，真系想再叫烧鳝，皮系脆脆的，但肉质鲜美多汁。今次真系捧腹而回😂我仲见到佢有沾乌冬，下次会再试其他野食👍🏼