影片
更多
2016-03-27
4730 浏览
又到左周末，当然要对自己好一些，慰劳下自己！身为海胆控既我，一早bookmark左呢间拉面店好耐，因为有海胆 x 沾面呢个组合！ 夜晚七点多到，全埸差不多坐满食客，好彩我地早到，唔系就要外面排队等候喇! (因为到我地八点几食完，就见到店外既人龙) 我地被安排坐bar枱，可以近距离见到师傅整野食。略嫌座位坐得有点狭窄，坐得唔太舒服呢。 等左阵，万众期待既海胆沾面终于上场！面头铺左三大块厚叠叠的加拿大海胆，海胆上面洒左大量粒粒都咁饱满既三文鱼子，仲有半只味蛋同腌制过既笋。卖相方面已经令人未食先兴奋，垂涎欲滴啊! 第一啖梗系先食海胆吧！加拿大海胆本身味淡，比起其他品种的海胆少了一份甜味，但我却喜欢creamy和厚厚的质感，一大啖放进口里，海胆的鲜味充斥著整个口腔。然后夹起了一小束拉面，把拉面沾上用龙虾和海胆熬制的金黄色浓汤......虽然吃不出汤底的龙虾海胆味道，但汤底十分重口味，有著咸香鲜味，够杰身。挂上了浓汤的拉面烟韧弹牙,比乌冬更有咬口，加上脆卜卜的的鱼子，鲜甜美味，令人不禁一啖接住一啖咁食！ 另外，我地仲叫左樱花虾沾面，配料有叉烧、笋、葱同味蛋。叉烧一般般，有d鞋。碗内有
夜晚七点多到，全埸差不多坐满食客，好彩我地早到，唔系就要外面排队等候喇! (因为到我地八点几食完，就见到店外既人龙)
我地被安排坐bar枱，可以近距离见到师傅整野食。略嫌座位坐得有点狭窄，坐得唔太舒服呢。
等左阵，万众期待既海胆沾面终于上场！面头铺左三大块厚叠叠的加拿大海胆，海胆上面洒左大量粒粒都咁饱满既三文鱼子，仲有半只味蛋同腌制过既笋。卖相方面已经令人未食先兴奋，垂涎欲滴啊!
第一啖梗系先食海胆吧！加拿大海胆本身味淡，比起其他品种的海胆少了一份甜味，但我却喜欢creamy和厚厚的质感，一大啖放进口里，海胆的鲜味充斥著整个口腔。
然后夹起了一小束拉面，把拉面沾上用龙虾和海胆熬制的金黄色浓汤......虽然吃不出汤底的龙虾海胆味道，但汤底十分重口味，有著咸香鲜味，够杰身。挂上了浓汤的拉面烟韧弹牙,比乌冬更有咬口，加上脆卜卜的的鱼子，鲜甜美味，令人不禁一啖接住一啖咁食！
另外，我地仲叫左樱花虾沾面，配料有叉烧、笋、葱同味蛋。叉烧一般般，有d鞋。碗内有青柠比食客挤落d叉烧，可以一解肉类既肥腻。
樱花虾汤底很香浓，原因系食店系汤面上铺满慷慨分量既樱花虾干，每夹一束面都会有樱花虾黏上，既有𡁻口又有咸鲜味道。
基本上，两碗沾面既分量都偏小，食完都唔太饱同埋净底好多汤汁。结果就追加左个芝士饭。个饭系用净底既汤汁去煮，加上芝士粒同粉。用匙羹捞起，尚有点拉丝效果。但芝士味过浓，下次唔饱的话，都系加面好过。
总结黎讲，食完个沾面真系好满足，岩哂重口味既我，但如果面既分量可以多返些少，叉烧可以用火枪烧一烧，相信会更加十全十美！
张贴
