船皇 (厚福街) (已結業)

餐厅位于厚福街，喺舖头出面已经觉得好有泰国嘅感觉，其实可能只系太耐冇去旅行嘅幻觉🙍🏻‍♀️见佢唔算太贵，就入去试下！佢餐牌有几款面拣，直接拣个乜都有既！👅 船皇船面加冻柠茶佢有四款面：河粉，金边粉，米粉同埋蛋面，既然食泰国嘢，当然拣金边粉！辣度拣左少辣，一嚟到见到汤底咁深色，就已经好期待，不过味道比我想像中淡，亦都唔辣。𩠌方面呢，炸猪皮都脆，不过鸡翼得单边，有啲少，有啲鸡丝，再搭多两粒丸，啱晒细食嘅女仔，不过男仔或者𠮶日特别肚饿嘅话可能要加面底🤓其实佢仲有配个小食，不过个小食冇乜特别就唔多介绍喇。但佢个嘢饮嚟到都几惊喜，因为只碗好泰国🤣