甜品工房 (已結業)

系厚福街简单食左少少野，特登留肚去帮衬甜品工房。平时见门口排队啲人多到去隔离舖，今晚早少少希望可以去朝圣下啦。等左十分钟左右就入到去，里面啲枱坐爆哂，真系好多人好受欢迎。叫左个紫葡之恋, 听讲系镇店之宝，当然要试下啦。紫葡之恋好特别既提子沙冰，好香甜既提子味，伴随沙冰上有不同配料：原粒葡萄，小丸子，同埋香芋雪糕糯米滋。沙冰上面亦有粒粒爆珠仔，食落口感觉好得意，好似食紧日本蟹籽刺身咁。整体黎讲呢个甜品都几好味，好香浓好甜既提子味，难怪系镇店之宝，值得一试！另外仲叫左个椰皇天寒地冻当然要食个暖笠笠既甜品，好重椰子奶香味，里面有几位椰肉，仲有两粒汤圆。个人认为馅料太少，如果多几粒汤圆同椰肉会比较好，而椰壳上既椰肉亦好难整到落黎食，口感唔系好足够，加上奶味太重，老实讲未必个个接受到，有机会可以试下另一款^0^整体黎讲，甜品工房唔算贵，食物外型已经抵返哂，下次无咁多人排队会再试其他甜品！