尚品鋪日本料理 (已結業)

晚上出尖沙咀食饭, 看似大把选择, 但其实真正好食抵食的不多. 就以厚福街为例, 成条街都系食肆, 不过由街头行到行尾, 令我有冲动要帮衬的不外正仁里潮菜同唯一面家. 星期六同老婆大人, 细佬两公婆一行4人扫街, 竟然在厚福街街尾见到呢一间新食肆, 两个女人齐声要试试. 香港地几时都系女人话事, 呢间就呢间啦.入到间餐厅, 格局舒适, 墙壁一组日本古代女性壁画, 充满东洋风味. 餐牌上真系应有尽有, 鱼生寿司烧物天妇罗乌冬连羊架都有. 通常出品愈杂愈多, 水准一定参差, 但出乎意料之外, 这间日本料理的食物全都在水准之上. 4个人叫左:1. 杂锦寿司拼盆 (哗, 超新鲜, 好味)2. 烧银杏, 烧蒜头 (是尖沙咀区头3位)3. 烧羊架 ( 刚刚好, 肉汁丰盈)4. 烧牛脷 (yummy yummy)5. 虾天妇罗 (浆粉可以薄D, 合格而已)6. 稻庭乌冬 (又滑溜又烟韧, encore)临尾食埋个芝麻雪糕, 好满足. 服务好, 价钱合理, 唯一是晚市没有套餐供应, 对一般小情侣唔系咁方便啰.