餓媽家姐 (已搬遷) 新店位置

下午茶时段经过尖沙咀，见到依间装修有啲日系嘅舖头，原本以为得陈皮鱼蛋、鱼肉烧卖，但见佢哋介绍招牌炒肠粉同埋手打汉堡包🍔，拣咗「鳗鱼蛋炒肠粉」同「手打牛堡」，佢个包用竹炭黑包，咬落几松化又特别，见到佢个汉堡系现场做，仲用火枪烧，好有诚意，个汉堡咬落都几有肉味Juicy ，同埋真系同张相差唔多厚，价钱系唔平不过够饱抵食，个汉堡嘅酱都系自家制，酸甜适中，唔错👍🏻至于𠮶个蛋炒肠粉都好正，镬气够，鳗鱼亦都多，加上个炒肠粉份量好多，可以两个人食！临尾店员推介左炸嘢小食叫做「脆香单骨鸡翼」，佢啲炸嘢真系好少见，如果唔系太饱都想叫多几款。条街一直都系得普通小食，终于开返间特色嘢，值得一试！