翔壽司 (已結業)

厚福街一向都系尖沙咀的美食集中地之一，最近呢度开咗间立食寿司店 - 翔寿司，今日经过难得见有位，当然同朋友入去试吓啦！店舖细细，布置几有和式味道，只有不到10个位，难怪平时黎一定有人龙。餐厅提供食物种类除咗寿司刺身，仲有丼饭小食，几多选择！今日我地叫左呢几样试下。炙烧寿司盛合 $118一次食齐5款炙烧寿司之选，包括炙烧吞拿鱼腩、炙烧三文鱼腩、炙烧左口鱼边、炙烧金线鲷同炙烧带子。炙烧吞拿鱼腩肥瘦有致，炙烧三文鱼腩肉质滑嫩，炙烧左口鱼边油份足，咬落鱼油成口都系，好满足。炙烧金线鲷鱼味浓，几香口。重点全部寿司都用赤醋饭，更有效中和返炙烧带黎嘅油感。三色手卷盛 $88包括鳗鱼手卷、葱拖罗手卷同辣味三文鱼手卷，紫菜脆身，配料多，一直食到底都有，好满足呀！北海丼 $188呢个北海丼，真系必叫之选，配料非常丰富，包括有牡丹虾、带子、三文鱼、蟹肉、海胆同三文鱼籽。牡丹虾好新鲜，食落鲜甜爽口。带子微带柠檬香，有提鲜作用，味道更有层次。海胆大大块，加埋蟹肉三文鱼籽，咸香味足！材料都新鲜，份量足，正呀。总括来讲，值得一吃的立食店，用料有水准，够新鲜，下次再黎食其他先得！