羅勇泰國粉麵 (已結業)

又到Happy Friday, 今晚约左朋友update下大家近况，我地约左系尖咀，因为无book位既关系，我地就随意去厚褔街睇下有咩好食，行过好多间都排好长龙，见依间餐厅唔系特别多人就选左依间。我地三个人叫左一饭一粉同两个小食。海南鸡饭 - 鸡肉份量不少，而且无骨，皮下脂肪唔厚，有鸡肉鲜味，肉质入口感觉颇嫩滑，仲送一个椰子鸡汤，朋友话觉得好清甜。猪手汤金边粉 - 汤底浓味，猪手卤至上色入味，猪皮油润并略带胶质黏感，瘦肉位都够腍，再配搭脆嫩的通菜香叶。鸡肉、牛肉、猪肉串烧 - 呢个都好味 烧得够香 而且唔会失去肉既味道 加上沙嗲酱好味。泰式烧鱿鱼筒 - 大大只鲜鱿鱼筒原只上碟，卖相吸引好新鲜，可以一咬即断，入口相当爽口。另外我地重每人叫左野饮，依到既汽水系樽装。