Red Rice 米飯主題餐廳 (億利工業中心)

营业中

休息中

呢排比较多系呢间餐厅食饭，下午茶时段嚟食都几抵，大份又唔贵。今次试下巨人汉堡蛋包饭，原来都几大份下。-巨人汉堡蛋包饭除咗有大大块汉堡同蛋包饭，仲有份量唔少嘅沙律。沙律都几清新，沙律菜爽脆不腻，食得太滞仲有解腻作用。蛋包饭都做得唔错，蛋炒得几滑，仲食到微微蛋香同蛋浆。汉堡都几厚身，入口软腍。-特浓唂咕（热）未饮过唂咕嘅我见到下午茶加配呢款饮品唔使加钱，即刻好好奇饮起嚟系咩味。落单个阵有问店员系咩，佢有提我地呢杯野都几苦，唔系朱古力咁简单。为咗满足好奇心，最终都叫咗嚟饮。饮落真系几苦，有少少似好浓但无糖嘅朱古力。后尾都系顶唔顺，落咗啲糖会好饮啲。