板長壽司 (已結業)

师兄返咗黎香港，好耐无聚，佢想回味下日本菜。其实近排成日食，有啲厌，但都舍命陪君子。黎到板长门口先见到有放题，而我竟然从来都无留意过！！。。。可能平时少食呢间😂本身谂住单嗌即刻转咗，决定一战放题。八点钟去到大概有七八枱在等，入到去人未算多。话不多说落单先！总共八张menu，选择都几丰富。先写咗几样小菜顶住先，汁炒鸭舌必点！比想像中好食好多，蒜苔甜脆，鸭舌爽口。连不食鸭舌的朋友都食多两啖。人气小菜螺肉同凤爪都几好食，开胃。刺身就中规中矩，三文鱼同带子肉质鲜美，但甜虾有少少腥。推荐香芒吉列虾卷，芒果肉大大片cover系面上，非常吸引！果肉甜，配炸虾卷真系一流，一人两件都未够。甜品得三样，但三样都好食。红豆奶冻奶味足，红豆甜。抹茶和果子软Q弹牙，好食。上菜速度好快，一眨眼满枱食物。可惜饮品得茶？有啲单调。放题218得一个半钟，认真几贵下，不过食物质素都算系对得起呢个价。