和拉麵

营业中

休息中

今日难得系大埔食日本嘢，入面装修好日式、空间宽敞，店员同客人都会倾吓计，感觉温馨。睇睇menu，有三款拉面选择，简而精，而我同朋友就分别叫咗辛辣拉面同味噌拉面。而我个碗就系味噌拉面、软身、普通葱量。第一啖饮个汤好有惊喜，好浓味噌，而面够软。而溏心蛋流心得嚟入味，配合埋肥叉烧，整体嚟讲成个拉面好惹味。辛辣拉面叫咗小辣、硬身、多葱。朋友本身唔食得辣但系都完全接受到呢度小辣，而且仲话辣味几香，汤底浓而唔会过咸，面质硬身好够口感同埋挂汤力够。 总结而言，呢间拉面店尚算高质，值得一试。