利強記北角雞蛋仔

营业中

休息中

早排九月头经过北角总店见到竟然装修紧，令到我摸门钉实在太失望😞。呢日去开宝琳醒起地铁站有分店，所以就去买一底顶顶口瘾，不过其实一直无试过其他分店嘅鸡蛋仔，因为觉得会无咁好味。宝琳舖比北角舖大，望落亦无咁混乱，而且姐姐比较友善好笑容😊无咁hea🙈，哈哈。无人排队，所以一落完单，唔使半分钟就已经有得食，第一下谂咪即系唔系即整咪唔热，心谂伏已中。不过一拎上手发现系热嘅，亦都非常香喷喷，一食就更加肯定个味系同北角总店一样㗎，同样系好好食。🥚北角鸡蛋仔系卖all time飞佛，首先系个皮够哂脆，就算放耐咗都一样，自己本身都钟意食脆身的。第二系鸡蛋仔大大粒，唔系而家成日食到𠮶啲空心。第三系蛋味好香🤤，远远已经闻到，唯一要鸡蛋里挑骨头就系无炭烧味啰🤣🤣。总括嚟讲，北角鸡蛋仔仍然系高居于我排行榜嘅第一位🤩，真正外脆内软，好食到自己一条友食哂一底都完全无问题。价钱其实都唔平，要$19一底，但由于好好食同够大底，所以就觉得都值嘅。最后最impress我就系估唔到个质素能够咁稳定，几时食边间方店都做到一样咁好味😋。