kikusan (已結業)

希慎广场地点 OK。枱与枱之间嘅距离都 OK。明明话系上海菜 crossover 日本菜，但我点嘅偏偏都系上海菜：豚肉小笼包：OK，正常，皮可以更薄。煎韮菜豚肉饺子：呢个惊喜㖞，大大只，有肉汁，韮菜比例唔太多又啱啱有啲味，如果块皮煎得再脆啲就正喇。红油抄手：虽然肉饀同煎饺子一样，但红海抄手来讲皮太厚兼奇形怪状，而且重麻感 (麻辣嘅麻 - 我同外子都唔喜欢)。千层猪扒担担乌冬(转拉面)：汤偏稀，无花生香，重麻感 (麻辣嘅麻 - 我同外子都唔喜欢)，盖过咗对块猪扒同面嘅任何感觉。埋单时问有无 yuu 会员，才知道系美心集团。