沙嗲軒 (已結業)

好耐之前已经有同事话好好食请我地去一齐试 , 后来睇到苏丝黄个节目先知道真系咁出名 , 所以今日lunch决定再去食多次。 海南鸡饭 ~ 水准仍然保持到 , 可能系比人投诉过自从【一粒钟真人苏】播出之后退步左 , 佢地即刻注意返口感同味道既质素 , 就连鸡胸位置d肉都好滑 , 用埋个葱油酱黎拌油饭食真系一流呀 , 可惜个汤饮左一啖觉得太咸 , 应该系味精放得比较多。 串烧沙嗲 ~ 整得不过不失啦 , 同其他泰式餐厅食到既都系差不多 , 始终呢道唔系主打菜式丫嘛。贵就系贵左d , 不过一次半次就冇所谓啦 , 至少唔会食完成肚火。