Nara Thai Cuisine (新城市廣場一期)

营业中

休息中

入去食嘢，只可以话服务正常，唔好期待侍应会主动斟水，不过有特别要求，例如因为隔篱枱太嘈所以想掉位或者想拎多两只碗仔，佢哋都唔会明显黑你面咁样啰。不过经理就好醒水，一见到上咗汤，就主动嗱嗱声拎两只碗过嚟，呢一点系值得一赞嘅，但系其他姐姐...就有种去酒楼食饭嘅𠮶种服务。可能我觉得个环境咁靓，再加埋个价钱，我就觉得个服务可以再好啲啲。食物嚟讲OK嘅，可能为咗配合香港人口味啦，所以冇泰式辣嘅感觉，所有食物都系偏甜。食物嘅卖相系靓嘅！不过唔知点解个软壳蟹系冻嘅，可能因为呢个系前菜，算系冷盘啩不过埋单𠮶阵，想用八达通俾，因为OpenRice写明话呢间餐厅系接受八达通付款，唔知点解个职员即刻话佢哋餐厅系冇得用八达通嘅。咁其实都几唔方便呀！至于推唔推介大家嚟食，我觉得食一次可以，再嚟就不必要。