稻八日式火鍋炸物放題 (已結業)

#稻八日式火锅炸物放题 (大埔)依家防疫时间，出去食饭都人心惶惶。想打边炉又唔想堂食。好多火锅店都出咗外卖。去到用点餐纸拣，特级美国谷饲牛火锅外卖套餐。拣咗4人份/$688。有齐晒牛肉、豚肉、鸡肉同埋羊肉。我哋唔食羊肉，都可以拣其中一款肉代替。牛肉同豚肉切到一卷卷，尤其系牛肉好大一卷，而且都几厚，似系厚版肥牛。跟住可以拣24件丸类。6款蔬菜或者面食。3款饺子或者滑类。钟意佢嘅蔬菜好新鲜生菜好爽口。虽然话只可以拣24件类，但其实为咗填满食物盒，佢地有多比到。原来都好正常。最后拣埋汤底，汤底会用两大樽胶樽装住，如果系用一个大煲既话，应该勉强够用，我哋用鸳鸯煲，净系放落一边就有半枝多左。我哋拣咗牛乳牛骨汤，味道唔算唔系浓郁嘅汤底，清清地打边炉都几好。钟意嘅话可以加$5/份打边炉。分量方面好够食，两个男仔两个女仔食，但都食净左唔少野。整体来讲，其实咁样外卖火锅材料都系好方便，每人净系拎只碗同筷子，免却左好多买材料处理材料洗碗嘅时间。