強記美食

营业中

休息中

每次一开始凉凉地，就谂起呢间小食店既糯米饭！😋最近，每次揸车经过都见关门，以为无开！之后觉得唔对路㖞！无理由日日唔开嫁！😮‍💨突登落车睇，原来搬咗铺！👏🏻👏🏻👏🏻一入铺，我谂大家都唔会谂到强记靓左咁多！见到依家全部都系后生仔后生女，老板话依家第三代开始接手！佢地仲留番个旧招牌👍🏻👍🏻👍🏻好有特色 见到呢幅墙，真系唔影都对唔住自己😂😂😂壮观呀！！！依家连餐巾都提供埋😂😂😂 新餐牌！几个月无食，真系忍唔住要叫个鸳鸯肠杂锦糯米饭黎食😋虽然比以前贵左少少，但碗饭大碗左，都唔止几啖！我一个女仔真系食唔晒！不过真心好正呀！糯米饭软硬岩岩好！最钟意系粒冬菇，吸哂腊肠润肠嘅油香！慢慢食都忍唔住食晒😋下次真系要加冬菇！😬好饱呀！但好满足😌😌😌Keep到水准！👏🏻👏🏻👏🏻一定会继续帮衬！要加油呀💪🏻💪🏻💪🏻