十二味麻辣小當家 (已結業)

今晚同男朋友庆祝生日，知道佢钟意食辣就特登订左《十二味麻辣小当家》同佢试下。去到原来餐厅系分开左两边，一边系食干锅、米线另一边就系食川菜嘅。因为前几日先食左干锅所以咁我地今晚就试下川菜喇。入到去坐低一阵大少就决定左食咩喇，我地叫左十二味特色沸腾鱼、凉拌土豆丝、酸辣木耳同埋四川冰粉。十二味特色沸腾鱼(小辣)入面有几种唔同嘅新鲜辣椒同辣椒干加埋花椒八角，初初食落唔觉得辣但愈食就愈辣，食到出哂汗。鱼啖啖肉好滑但有些少骨，整体上好惹味，会拎你食几碗饭。 酸辣木耳微辣重酸味，带少少酒香，好开胃。凉拌土豆丝小辣，薯仔丝十分爽口而且好入味，推介! 四川冰粉初初叫个阵以为真系冻嘅少黎...黎到先知系甜品。食落好冰凉兼且有好香甜嘅桂花味，解辣一流，一食就唔觉