和田便當 (已結業)

和田便当虽然近排疫情逐渐缓和返，但相信买外卖返公司或拍屋企食已经成为一个新常态。所以系疫情期间都开始揾一啲好食既外卖店去试下。而相信有唔少人都会见到商场多咗啲特别既自动售卖机系卖日式便当既，咁今日系金钟放lunch,就去海富中心试下佢。疫情下呢种销售模式几好，唔洗接触太多人就买到饭，感觉安全啲。怕唔识操作部机，唔洗惊，现场都有一位工作人员帮大家手，佢地仲好有礼貌添！去到都唔洗五分钟，就已经拎到饭盒走，好方便！可能大家会concern个饭会唔会放得太耐，啲野overlook晒又或者保温做得唔好，个饭会冻咗。今日测试过，完全冇以上问题，便当拎到出黎仲几热下。今次叫咗烧味噌鸡扒便当。便当入面都几丰富，除咗有块大鸡扒之外，仲有玉子烧，蔬菜同埋渍物。首先，佢地用咗日本米，会比较烟韧同埋粒粒分明。而鸡扒除咗大块，煮得亦恰到好处，而且入面仲保留到肉汁，有惊喜。鸡扒味噌味唔算好出，但黑椒既调味适中，微辣中又带少少甜，几好食。玉子烧质感好似蛋糕咁，几绵滑，可以当饭后甜品食。而渍物有腌萝卜，牛蒡同埋黄瓜，味道唔错。下次会去试下佢其他便当！