影片
更多
2021-01-23
939 浏览
服务态度差到你怀疑人生！价钱贵！食物一般！帮唔帮衬自己谂。今日屎忽痕走去探访「所谓」隐世美食，坐低之后就麻烦个女侍落order，叫咗个pizza，打算叫多个主食，点知无猪肋骨，因为无预过会无，无谂定后备方案，又唔想阻住女侍应就叫佢落住个pizza先。点知佢摆出个嘴脸「未谂好就唔好叫落单啦！」然后一言不发、眼尾都唔望你咁潇洒转身离开！好快谂好食咩，又系个女侍应，其实佢咁憎d客人不如做d唔洗对客嘅岗位啦，真系好唔好意思咁又要求佢过嚟。过到嚟，都唔系期望大家有咩交流咁咪拿拿声讲「羊架」，点知佢时间宝贵到「无羊架」哩三只字我未听完已经唔见咗佢！咁唯有自己好乖乖地望下有咩啱食啦，五定六个主食无咗两样，客人应该生生性性估人哋有咩啦！你唔系谂住人哋餐厅应份话你知？唯有再求另一个侍应过嚟帮我哋落餐。「牛扒5成熟」结果等到$188+$18服务费的「十成熟牛扒」，觉得真系好难将就，女侍应：如果你要我哋整过俾你，可能要等半小时，因为我哋要整俾其他单先。真系好好奇，点解要当我重新落单？唔通系我自己讲错要十成熟。事旦啦，个女侍应个样都话你知「你想我重新整俾你，我会用一切方法为难你」，咁我唯有问「咁你想点？」女侍
价钱贵！食物一般！帮唔帮衬自己谂。
今日屎忽痕走去探访「所谓」隐世美食，坐低之后就麻烦个女侍落order，叫咗个pizza，打算叫多个主食，点知无猪肋骨，因为无预过会无，无谂定后备方案，又唔想阻住女侍应就叫佢落住个pizza先。点知佢摆出个嘴脸「未谂好就唔好叫落单啦！」然后一言不发、眼尾都唔望你咁潇洒转身离开！
好快谂好食咩，又系个女侍应，其实佢咁憎d客人不如做d唔洗对客嘅岗位啦，真系好唔好意思咁又要求佢过嚟。过到嚟，都唔系期望大家有咩交流咁咪拿拿声讲「羊架」，点知佢时间宝贵到「无羊架」哩三只字我未听完已经唔见咗佢！咁唯有自己好乖乖地望下有咩啱食啦，五定六个主食无咗两样，客人应该生生性性估人哋有咩啦！你唔系谂住人哋餐厅应份话你知？唯有再求另一个侍应过嚟帮我哋落餐。「牛扒5成熟」
结果等到$188+$18服务费的「十成熟牛扒」，觉得真系好难将就，女侍应：如果你要我哋整过俾你，可能要等半小时，因为我哋要整俾其他单先。真系好好奇，点解要当我重新落单？唔通系我自己讲错要十成熟。事旦啦，个女侍应个样都话你知「你想我重新整俾你，我会用一切方法为难你」，咁我唯有问「咁你想点？」女侍应「转猪俾你」
算啦，无谓同佢纠缠。我话取消张单啦。哩间咁嘅餐厅，机会都唔值得俾，一蚊都唔想花系到！女侍应再一言不发转身离开，然后同全店大大小小员工不停窃窃私语，就系唔望你唔覆你。女侍应哩种霸气，要话你知「我已经当哩张台透明」。都系果句，你咁憎d客咪唔好做啰，或者餐厅你开咪唔好企楼面，你难受，客人更难受。西口西面西XX，唔好讲服务，基本尊重都无。
你举手埋单都唔望你，最后，终于得到女侍应宠幸望你一眼，系你起身走人，佢同另一店员再窃窃私语，方死客人唔知，我系话9你架！
张贴