Hero's Friday (已結業)

曾经系日本m记食过班戟汉堡，记忆中真系超好食，而且价钱好似都唔贵🤔终于发现原来香港都有班戟汉堡啦☺️。今次去荔枝角分店系外卖舖，冇得堂食。呢间分店都唔算难揾，位于工业大厦地舖，一条大路附近左右舖都系餐厅。如果平日lunch时段嚟，真系迫满晒上班族，外卖完嗱嗱临走。虽然呢间除咗班堡之外仲有好多人气汉堡，但今次目标就为咗班堡而来。虽然呢间人气系卖班堡，但如果唔钟意食班堡都有普通款式嘅汉堡。买咗一个猪柳蛋班堡套餐($60)，包薯条及一罐饮品。size当然比日本m记食到既要大好多，班戟食落冇当初🇯🇵m记既甜，厚度正常，唔太干唔太淋。汉堡扒正常冇野好讲，但特别要一提嘅系个炒蛋☺️，蛋量劲多，口感劲滑，奶香十足，应该系加咗牛油同奶去炒，而且块芝士溶埋落哂去炒蛋度，真心唔错👍🏻。其实本来我有嗌将炒蛋转煎蛋，卡路里冇咁高😂，但店员冇跟住做🙁，但咁好食就算😌。薯条份量正常，唔知系咪我好耐冇食薯条既关系，感觉好好食，薯味好浓😆。唔知系咪用美国薯仔整？整体嚟讲，有兴趣未食过又想试下班堡究竟咩味既可以一战，虽然味道都好食，但感觉冇前两年到日本🇯🇵m记食到既咁惊艳🤔。个人觉得性价比冇日本🇯🇵m记既高。