裕富小廚 (已結業)

  之前两次下午嚟裕富小厨都闩咗市，今晚十点嚟到，终于见到佢做紧生意。见舖入面唔大，都几多人，门口路边仲摆咗几张台仔，但天气太热，都系外卖算啦！买咗2碟鹌鹑蛋烧卖，@$18 每碟有3件，鹌鹑蛋下面嘅烧卖馅好正，有好多虾同瘦肉，d虾又爽口，完全唔觉油腻，太好味！怀旧大包，$17 哗！竟然比我见到失散多年嘅大包，当然唔会放过啦！ 真系冇想过个大包大到咁！不但够多料，有虾、鹌鹑蛋、猪肉、鸡肉、火腿、草菇等等，仲好好味呀！点心新鲜热辣辣出炉，己经系皇牌啦！食过之后，终于明白点解裕富咁多人帮衬。