螢壽司 (已結業)

黎到萤寿司，格局似系日本小店风格。呢间日本餐厅有好多平时连锁寿司店食唔到的鱼种，仲好多日本直送的新鲜刺身。我地点左个萤极上寿司拼盘，因为个套餐有大拖罗寿司，单点个大拖罗寿司要$100，但个拼盘只要$398，仲有11款贵价寿司，CP值超高！个拼盘仲有原只牡丹虾寿司连埋虾头，食完寿司个虾头仲可以加$10炸埋黎食！个虾头劲脆劲好味！脆到成个食晒！我见佢有日本直送的秋刀鱼刺身（$228）仲可以+$20 寿司两食，所以叫左黎试下。黎左刺身，摆盘都几靓！秋刀鱼烧就试得多，无调味就咁生食，都系第一次。入口第一啖，哗！好鲜甜呀！完全无谂过秋刀鱼刺身系咁正，一点鱼腥味都无！一食就欲罢不能！食完刺身就到寿司，一样极度鲜甜，而且同醋饭都好夹～但刺身同寿司，我会选择刺身，那份单纯口感同鲜甜味！侍应一样问我地加唔加$10炸埋条秋刀鱼鱼骨食，梗系要啦！呢间日本料理炸功真系好得，条鱼骨又炸到脆卜卜，成条吞都无问题！正！最黎仲叫多个杂锦天妇罗（$78），有两只大虾，仲有好多蔬菜，份量都算几多，但相对头先炸虾头同炸鱼骨，反而失色左不少。整体来说，水准相当不错，寿司及刺身简直一绝！