越一越南牛肉粉專門店 (已結業)

好耐无行过嚟粉岭中心呢边 以前呢个位系间上海野 而家变左食越南野 出面睇间野都几新净 应该开左无几耐 一于嚟试下啦 望下menu先食物种类都好多 我每样都叫左 首先嚟个小食 串烧系3串 本身以为净系得一款肉 原来可以mix 猪牛鸡每样叫左一串 有个沙嗲酱另外上 钟意浓味嘅人可以点多d 跟著试左个软壳蟹芒果米纸卷 原来佢唔系用平时食开个d芒果 系硬d爽d个款 金边粉有埋猪颈肉 都好大碟 2个人食好饱不过佢上菜次序系嚟左金边粉先 一开始已经食饱左 如果小食嚟先会好d仲有点左杯三色冰 最钟意食入面d材料呢间暂时系粉岭唯一一间越南野 心血来潮想食就过嚟呢边啦 下次嚟我想试下佢d河粉