漁米之鄉 (已結業)

本想去大快活吃早餐, 点知装修~ 行多两步就见到渔米之乡, 就索性走入去~洗唔洗咁多款早餐选择啊?! 睇到眼花花~ 见到餐牌早餐A咁多野食, 只系$25(可能平过连锁快餐店), 梗系叫A餐啦~侍应放低一睇, 原来样样份量都比快餐店少一点点, 餐肉只得一片, 仲要超薄, 红肠又系超薄的~不过炸鸡翼都几好味 , 外脆内滑, 略有少少咸~ 艇仔粥多料, 但粥底太稀 反而牛肉肠粉又几滑, 多牛肉馅~ 以前食过中午&晚饭, 炒饭炒粉面, 小菜, 虽称不上超正, 但其实都唔错~ 早餐就普普通通~