影片
更多
2021-05-18
2264 浏览
呀妈话惊星期日正日庆祝母亲节会好多人，于是我哋几个就提早揾晚放工出观塘食晚饭当做节👨👩👧👦。APM冇嘢啱食，又费事同两老去工厂大厦啲餐厅，最终我成功揾到间符合筛选条件嘅泰菜馆，佢就系「翟道翟 Tuk Tuk」。餐厅位于中海日升中心一楼，喺大厦嘅地下就已经望到佢个招牌。呢度面积大，座位宽敞，我哋坐喺卡位，非常舒服👍。再者，餐厅嘅环境同卫生都好好，湖水绿嘅装修色调令人眼前一亮，而且佢亦无普遍地道泰国菜馆嘅噏耷味🙈。呢度嘅泰菜款式繁多，有齐粉面饭、串烧、汤、小食、沙律、海鲜、肉、蔬菜、甜品同饮品。我哋样样都想食🤤，有选择困难症真系好苦恼啊。同时，餐厅定价合理，上菜后直头觉得应该用抵食嚟形容，因为样样都好大碟！冬阴功虾汤($58)，佢写系供两位用✌🏻，开初我以为真系细细兜，但分汤时发现其实一啲都唔少，大概分到四个碗仔，所以四条友都勉强够饮。冬阴功汤好浓味，有少少辣，饮完好开胃。汤品用咗好多料煲，例如杂菇、香菜同鲜虾等，真材实料啊🦐。串烧方面🍢，我哋要咗四串，分别系炭烤沙嗲牛肉、炭烤沙嗲猪肉、炭烤沙嗲鸡肉同炭烤沙嗲牛筋丸，每串$18。四款串烧啲肉都唔会烧到好干，而且系会清楚分到各款口味。沙
呀妈话惊星期日正日庆祝母亲节会好多人，于是我哋几个就提早揾晚放工出观塘食晚饭当做节👨👩👧👦。APM冇嘢啱食，又费事同两老去工厂大厦啲餐厅，最终我成功揾到间符合筛选条件嘅泰菜馆，佢就系「翟道翟 Tuk Tuk」。
餐厅位于中海日升中心一楼，喺大厦嘅地下就已经望到佢个招牌。呢度面积大，座位宽敞，我哋坐喺卡位，非常舒服👍。再者，餐厅嘅环境同卫生都好好，湖水绿嘅装修色调令人眼前一亮，而且佢亦无普遍地道泰国菜馆嘅噏耷味🙈。
呢度嘅泰菜款式繁多，有齐粉面饭、串烧、汤、小食、沙律、海鲜、肉、蔬菜、甜品同饮品。我哋样样都想食🤤，有选择困难症真系好苦恼啊。同时，餐厅定价合理，上菜后直头觉得应该用抵食嚟形容，因为样样都好大碟！
冬阴功虾汤
$58
13 浏览
2 赞好
0 留言
串烧方面🍢，我哋要咗四串，分别系炭烤沙嗲牛肉、炭烤沙嗲猪肉、炭烤沙嗲鸡肉同炭烤沙嗲牛筋丸，每串$18。四款串烧啲肉都唔会烧到好干，而且系会清楚分到各款口味。沙嗲酱分开上，味道属正常水平啦。
牛油烤栗米
$16
10 浏览
0 赞好
0 留言
泰式青柠牛肉
$98
10 浏览
0 赞好
0 留言
炒空心菜马拉盏
$72
10 浏览
0 赞好
0 留言
翟道翟鸭肉炒黄面
$78
13 浏览
0 赞好
0 留言
翟道翟鸭肉炒黄面($78)，炒面劲大碟，完全系酒楼小炒嘅份量🥘。炒面堆到好高，面质有少少似幼身嘅伊面同金边粉嘅混合版。我自己就麻麻哋呢个口感，因为略嫌有啲干。配料方面，佢包含多种蔬菜丝，如芽菜、萝卜、洋葱、三色椒同秀珍菇等，好丰富！🦆而主角鸭肉亦都多，大啖肉伴面食相当唔错。
椰香班兰千层糕
$24
9 浏览
0 赞好
0 留言
饮品方面，我哋要咗珍多冰($28)同冻青柠檬梳打($28)。🥤饮品同食物一样都系大大杯，更重要嘅系满有诚意。青柠梳打绝对唔系得两片柠檬咁简单，而系有自家制糖水。珍多冰椰香味浓，仲有唔少绿色啫喱条。不过我更想知道餐牌图入面色彩缤纷嘅系边款饮品🤔。
题外话，每张枱均放有一个调味架🧂，有醋同干辣椒等。但由于全部菜式本身都好够味(甚至可以话系重口味，但我好钟意😋)，所以佢哋未能大派用场。
总括嚟讲，喺翟道翟食嘅母亲节晚餐令我哋全部人都好满意💯，基本上每一样食物都充满自家特式，无令人失望。餐厅性价比高，出品既好食又抵食，咁高质真系可以去边度揾？最后，店员嘅服务态度亦都好好，成个体验无得弹。如果想食好味道泰国菜🇹🇭，唔一定要去九龙城，去观塘嘅翟道翟亦都得，得咗，高度推介啊🌟！
张贴
