更多
2020-11-28
3880 浏览
喺石门食完饭好饱,所以朝住沙田火车站方向行吓散步🚶♀️。行到去河畔花园附近,离远见到长长人龙,就走埋去八下。原来大家排紧嘅小店叫「豆乳狂人」,个个都期待食饭后甜品。人龙不断,我开始排时前面约十个人,但当我买完后就成廿几卅人,认真厉害👏。不过其实等十五分钟左右就排到。小店有好多嘢食,例如芋圆、豆花、豆乳奶盖同豆豆甜品等,花多眼乱🙈,因为样样都想食。呢度亦不乏咸嘅小食。除此之外,小店仲设置大大个雪柜,入面放咗各款口味嘅豆乳。小店号称此乃宇宙最强豆乳‼️,营养同蛋白质含量极高,容易发酵,因此最佳保存方法系即时放入你个肚,哈哈。等咗阵后生男店员(老板?)就执齐嘢饮嘢食畀我哋,佢好好礼貌又落力👍。我哋即席揾咗个地方食咗甜品先,樽装豆乳就拎返屋企同屋企人分享,好彩天气唔热咋🙏🏻。豆味芝士奶盖豆乳茶($35),呢杯好好饮🤤,我排队时听见后面个女仔话奶盖系呢度最正,我认同!豆味芝士奶盖味道恰到好处,🧀芝士咸香唔会过重。茶底系冻顶乌龙茶加特浓豆乳,最底部就系豆乳布甸🍮。成杯口感好丰富,有唔同层次,另外仲搭一串手工白玉🍡。超烟韧豆花($32),斋睇个名唔系好知有乜料,但一打开时就发现系有双色珍珠,口感Q弹。
豆味芝士奶盖豆乳茶
$35
46 浏览
0 赞好
0 留言
超烟韧豆花
$32
26 浏览
0 赞好
0 留言
三色芋圆
$28
23 浏览
0 赞好
0 留言
张贴