KiKi麵店 (希慎廣場)

营业中

休息中

之前见Kiki面都几出名，今日同朋友行过见到希慎原来新开咗间Kiki 面嘅门市，可能尼得早舖头唔算好多人，餐厅风格好木系，门口又有位可以俾人坐低饮嘢都几好。餐厅系用QR code自助落单，我同朋友叫左2个全日套餐，包一份小食同一杯饮品，亦都可以加钱升级KiKi茶，难得嚟到试埋佢哋个茶饮啦。我叫左蟹黄油拌面+蒜片台式肠，两款味道都唔错，蟹黄面第一啖觉得好好食，但食奈左有啲腻，台式肠虽然唔算好惊喜，但都系好食嘅。朋友试左香葱鹅油鸡饭+烟熏凤爪，朋友就话鹅油味唔算好重未够香，不过鸡几滑几好食，反而个凤爪几好食。佢地茶饮都唔错，但我觉得佢哋嘅面好食啲，整体价钱来讲喺铜锣湾算系咁，可能下次做优惠𠮶阵会再嚟试吓，不过佢哋原来唔收加一都几好。