德國餐廳 (寶怡花園)

营业中

休息中

系盈丰买嘢先发现开左间德国餐厅。装修简洁舒服，仲有BB椅提供。嗌左德国餐必食肠仔😋+黑啤。另外仲点左个黑松露烩饭俾小朋友。肠仔冇得输呀，一咬落去有肉汁好香。配黑啤一流！旁边有薯角做配菜，虽然系配菜，但一啲都唔马虎，炸得外脆内软。酸菜沙律可以中和肥腻感。烩饭松露味唔会太浓，适合未试过松露嘅家人。饭质煮得软硬适中，入面仲有肉丸同菇类，口感唔错。最后点左杯朱古力芝士奶盖，估唔到有惊喜。奶盖有淡淡芝士嘅咸香味，配合埋朱古力好夹。值得一提嘅系店员好有礼貌同好亲切，令呢一餐饭加分不少。