影片
更多
2020-04-11
4473 浏览
星期日下午出开旺角，食个午饭先，好耐无食过韩国菜，但又唔想食烧肉，所以就去咗726幢嘢间凤雏炖鸡。一去到唔使等位，就入得，而且仲可以坐卡位。虽然无风景可言，但感觉点都系开扬啲，令人心旷神怡😂。我朋友嚟到先同我讲唔想食招牌菜🐔！但我系因为之前食过炖鸡觉得唔错先话嚟，而家真系考起我啰，食乜好呢。餐厅嘅食物选择好彩都算多，除炖鸡外，都有炸鸡、鸡蛋卷、部队锅同铁板烤肉等。可惜Weekend唔做Lunch Set，我见价钱都系$6x，抵好多。上主菜之前，首先有三款韩式前菜，泡菜好辣🌶，芽菜好食，腌青瓜比较少见，但都辣！🐟鱼糕汤($128)，呢个系其中一个我最爱嘅韩国菜，虽然每次叫呢样，心入面都会觉得好唔抵，因为系鱼蛋汤姐嘛，算不上用上任何新鲜食材。但奈何我又觉得清清地，几好饮🤤。鱼糕汤系超级滚热辣咁送到我哋枱面，即刻加哂分。虽然呢到嘅鱼糕唔算特别好味，但胜在份量多，反而索味嘅萝卜仲吸引。再者，醉翁之意不在酒，我钟意系个汤本身🥣。因为个汤好够味，好好饮，有啲似味精令人上瘾𠮶种，但我肯定唔系，因为饮完都无口干；而且个汤落咗唔少胡椒去煮，所以微辣、好正，全部饮哂。🐮铁板烤牛肉($188)，本身第一个感
星期日下午出开旺角，食个午饭先，好耐无食过韩国菜，但又唔想食烧肉，所以就去咗726幢嘢间凤雏炖鸡。一去到唔使等位，就入得，而且仲可以坐卡位。虽然无风景可言，但感觉点都系开扬啲，令人心旷神怡😂。
我朋友嚟到先同我讲唔想食招牌菜🐔！但我系因为之前食过炖鸡觉得唔错先话嚟，而家真系考起我啰，食乜好呢。餐厅嘅食物选择好彩都算多，除炖鸡外，都有炸鸡、鸡蛋卷、部队锅同铁板烤肉等。可惜Weekend唔做Lunch Set，我见价钱都系$6x，抵好多。
上主菜之前，首先有三款韩式前菜，泡菜好辣🌶，芽菜好食，腌青瓜比较少见，但都辣！
鱼糕汤
$128
107 浏览
0 赞好
0 留言
鱼糕汤
$128
63 浏览
0 赞好
0 留言
虽然呢到嘅鱼糕唔算特别好味，但胜在份量多，反而索味嘅萝卜仲吸引。再者，醉翁之意不在酒，我钟意系个汤本身🥣。因为个汤好够味，好好饮，有啲似味精令人上瘾𠮶种，但我肯定唔系，因为饮完都无口干；而且个汤落咗唔少胡椒去煮，所以微辣、好正，全部饮哂。
铁板烤牛肉
$188
70 浏览
0 赞好
0 留言
🐮铁板烤牛肉($188)，本身第一个感觉系索价咁贵嘅，差唔多成两旧水㖞。不过一上菜我就知，呢碟铁板牛系对得住个价钱。因为份量系巨人级，四个人都够食，牛肉超多，每片都大大片，另外仲有好多菇、洋葱同鱼片一齐炒。
铁板烤牛肉
$188
45 浏览
0 赞好
0 留言
烤牛肉除咗多之外，最重要系佢好好味😋，餐厅唔系用肥牛片，而系用上比较厚身嘅牛肉，肉味浓郁，而且一啲都唔碎湿湿。加上个烧烤汁好惹味，白饭都食多两碗。不过食到最后，个汁冻咗就变得有啲油，所以建议衬热食！
🍚白饭($10/碗)，由于个铁板烤牛肉系无粉丝垫底嘅，所以要加饭配食，如果唔系会浪费咗个汁。本身只系叫咗一碗饭，但捞埋汁，一个人都嫌唔够食啦，所以最后系「两碗Thanks」！我哋惊要嗌第三碗饭，所以叫店员第二碗饭装大碗啲🤣，果然真系大咗✌🏻。呢到嘅白饭虽然只系白饭，但够松软。
总括嚟讲，我估唔到原来招牌炖鸡以外嘅菜式都好好食😋，定价就咁望系唔平，但味道同份量补返数，而且我哋呢到嘅量实在系三个人都够食🙈。最后，我想赞下餐厅唯一一位嘅女店员，得佢一个负责哂楼面所有嘢，但佢都好企理，而且最紧要系佢有帮我加饭，Thx🙏🏻。
张贴
